نيللى كريم في مهرجان القاهرة بصفة “دبلوماسية”
شاركت النجمة نيللي كريم والفنان آسر ياسين، بصفتهما سفراء النوايا الحسنة لمنظمة الهجرة الدولية في مصر، في جلسة خاصة بمهرجان القاهرة السينمائي لمناقشة قضية “هل تساهم السينما في التوعية بمخاطر الاتجار بالبشر؟”
قالت النجمة نيللي كريم، إن مسلسل “سجن النسا” تناول قضايا المرأة المقهورة واللي مضطرة تتحمل حاجات كتير، ومن خلال السجن بتشوفي ستات عملوا جرائم، لنتيجة الحياة القاسية والظروف اللي عاشوها، وده بسبب الجهل وعدم الثقافة.
تابعت قائلة: أنا كل اللي في تفكيري أني بعمل شخصية غالية في المسلسل مش قضية معينة، وكمان كل واحد له قصة وحكاية، بس المسلسل في الآخر بتتفرج على قصة واقعية ودي حلاوة الفن أنه بيعيشك في القصة، ولو أنت حابب أوي بتقعد تفكر إيه حصل وحصل ليه وتدور علي حلول.
وأضافت: من عشر سنين كنت مهتمه أوى بأولاد الشوارع وليل ونهار بدور على فيس بوك عشان نرجعهم لأهلهم وتعمقت لقيت الموضوع صعب أوى ولازم دعم جميع الجهات وقد ايه مهم التوعية وأن الواحد يكون مثقف عشان يعرف يروح فين ويتكلم مع مين للمساعدة”
رقم العدد: 4727